Комбинација од броеви и вашето име можат да откријат дали парите лесно ќе ви дојдат во џебот или ќе морате малку да се помачите за нив.
Пресметка:
Прво напишете ги вашето име и презиме, па во табелата подолу пронајдете го бројот, кој одговара на секоја буква. Откако ќе го направите тоа, соберете ги броевите на името и презимето одделно, а потоа соберете ги и останатите два броја.
Важно е да собирате додека не добиете едноцифрен број.
Табела на вредности:
1 - А, Ф, Н, В
2 - Б, Г, Њ, З
3 - Ц, Х, О
4 - Ч, И, П, Ѓ
5 - Д, К, С, Р
6 - Џ, Л, Ш
7 - Љ, Т, Ј
8 - Е, М, У
9 - Ќ, Ѕ, Ж
Решение:
Бројот еден тежнее кон тоа секогаш да биде прв. Овие личности се трудат секогаш да ја завршуваат работата совршено, а никогаш не се надеваат ниту пак бараат туѓа помош. Повеќе се интересираат за работата, отколку за стекнување на капитал, а тоа е и причината поради која никогаш немаат доволно пари.
Број 2
Секогаш зад себе имаат војска од луѓе кои им помагаат да дојдат до пари. Овие луѓе парите ги сфаќаат здраво за готово, а единствено функционираат во тимска работа. Тие се снаодливи и никогаш не остануваат на нула.
Број 3
Овие луѓе не ги сакаат парите, туку ги обожаваат, а до нив доаѓаат тешко. Ако успеат да развијат сопствен бизнис, дури тогаш успеваат да заработат. Нивната најдобра карактеристика е креативноста и подготвеноста за работа.
Број 4
Луѓето со овој број до ништо не доаѓаат премногу лесно и целиот живот се мачат да стигнат до плус пари. За нивниот успех вложуваат многу труд, а често се жалат дека не го сакаат тоа што го работат.
Број 5
Петките најмногу заработуваат кога одат некаде на далечни патувања или во странство на подолг период. Тие се многу прилагодливи и имаат силна интуиција која ги води низ животот. Точно знаат како да го организираат својот буџет и да заштедат.
Број 6
Овие луѓе успехот го остваруваат преку семејните бизниси, а доколку немаат, тогаш барат истомисленици за основање на приватна фирма. Доколку не успеат во вакви заедници често живеат во сиромаштија.
Број 7
Овие луѓе дури и не се заинтересирани за парите и ако треба ќе жртвуваат сѐ што имаат само да го работат тоа што го сакаат. Ако имаат среќа да не мораат да се грижат за финансии, тогаш ќе уживаат.
Број 8
На осмиците им е најважно да бидат добро платени за тоа што го прават. Тие не само што се способни да заработат, туку и да ги дуплираат парите. Берзата им е омилена, па често таму вложуваат пари и секогаш добиваат.
Број 9
Овие луѓе се во потрага за работа која ќе им донесе брза, лесна и голема заработувачка. Тие се нестрпливи и таа карактеристика често ги спречува да заработат. Ако успеат да сфатат дека трудот не мора секогаш да се исплатува, имаат голема шанса за збогатување.
Comments
Post a Comment